家旺伯走了 Facebook Plurk Twitter

         家旺伯的身體狀況從農曆過年以後,每況愈下。2006年2月15日,七股龍山村鄉親與環保團體在七股海岸保護協會召開記者會,發表聲明抗議環保署公告濱南案環評報告書,戴著呼吸器的家旺伯仍打起精神前往參加。不到一個月,家旺伯離開了念念不忘的內海。3月22日,在家旺伯的告別式裡,昔日的戰友都來了,台灣環保聯盟與七股海岸保護協會為家旺伯護上會旗,感念他為七股內海所做的努力,我也把當天我為家旺伯所做的生平介紹,紀錄下來:

陳家旺先生與黃隆女士(家旺姆)

七股內海兮勇士-家旺伯

         陳家旺老先生,就是我所敬愛,麻是逐家所懷念兮家旺伯,西元1938年(民國27年)5月初6,出生佇七股山仔寮,24歲兮時候,佮差伊兩歲兮蚶寮人黃隆小姐(就是咱家旺姆)結婚,生兩個孝生,一個查畝(這個查畝不幸佇舊年8月,早一步來離開即兮世間),經過69冬兮奔波、辛苦,這個月(3月)11號(農曆2月12)暗時10點,因為肝癌來過往。

         家旺伯佮真濟生活佇海邊兮歐吉尚相款,天還不亮,著出海去收網罟,天漸漸光,將收來兮魚仔、蝦仔、蟳仔,拿去市場拍賣,然後返去厝,猶欲整理漁網、剝蚵,甲飽後,歇睏一下,擱出海去整理蚵棚。

         就這樣,日子一工過一工,一冬過一冬。

         我,佮許多出世佇鄉下兮囡仔相款,大漢出外去讀書,找頭路,最多,過年過節返來故鄉走走看看。

         家旺伯佮我,就親像過路兮兩耶人。

         但是,12年前(1994年、民國83年),因為兩個財團要來七股開發濱南工業區,要將七股內海坉起來,要引進高污染兮七輕石化廠佮大煉鋼廠,因為安咧,我佮家旺伯,佮真濟鄉親好朋友逐家來熟似、結緣。

         12冬來,不管是在地抗爭,參加南瀛苦行,出外到台北表示意見,參加立法院兮公聽會,或者是參加環保署兮審查會議,家旺伯佮許多鄉親共款,不願意缺席,總是為著要保護這塊祖先留下來兮內海;1996年開始,推動生態旅遊,組織七股海岸保護協會,擔任總幹事,向關心兮媒體佮各地前來參觀兮朋友介紹內海,介紹這塊土地兮故事,介紹當地反對污染兮聲音,讓佫卡濟人認識七股內海、認識反七輕、反大煉鋼廠兮聲音。

         今年農曆正月初一,我返來看家旺伯,這麻是我最後一次看到家旺伯,我看伊,情況已經不是盡好,但是,伊所關心兮,猶原是開發案甘有法度擋落來?伊問我,是安怎過去反七輕兮人做環保署長,要來公告七輕兮環境影響評估報告書,伊擱交待阮向煥智縣長反應,伊說內海出現問題,特別是去年水災後,內海兮魚越來越少,越來越歹扐……。2月15日山仔寮鄉親佮環保團體發表聲明,對環保署提出抗議,家旺伯麻戴著呼吸器來到現場,對濱南案付出伊最後一遍兮關心。

         雖然,家旺伯已經離開咱,但是伊兮堅持、伊兮願望,一直留佇咱兮心裡,督促咱打拼來保護這塊內海,我麻愛向家旺伯報告,您兮交待,咱已經開始兮進行,台南縣政府佮七股海岸保護協會、台灣環保聯盟已經提出行政佮訴願程序,要求行政院撤銷濱南案兮公告,台南縣政府麻準備成立水利局,設立海岸保護課來解決沙洲佮潟湖兮問題。

         家旺伯,你就放心離開吧,望你在天之靈,保佑家旺姆、你兮二個孝生、你兮孫子,身體健康,麻愛保護所有鄉親好朋友,事業順利,保佑反七輕會使佇最短時間內成功!